Թիմ
Մեր կողմից սոցիալական դիտարկվող ճարտարապետական գործունեությունը նաև թիմային գործունեությունն է։ Ցանկացած նախագիծ իրականանում է բազմաթիվ անձանց պրոֆեսիոնալ գիտելիքների ու մարդկային փորձի հիման վրա, երկարատև և բազմակողմանի քննարկումների, բանավեճերի ու հիմնավորումների արդյունքում։ Չնայած յուրաքանչյուր նախագիծ ունի իր հիմնական «քարշակ» ճարտարապետը, սակայն հետազոտահեն նախագծային գործունեությունը նաև խարսխված է գիտելիքի, փորձի ու մտքերի փոխանակման վրա, ուստի մեզ համար թիմային աշխատանքը հաճելի շփումից ու ժամանացից բացի (չնայած այդ մասն էլ ենք շատ սիրում) նաև ավելի արդյունավետ ու ոգևորիչ արդյունքի գրավականն է։
Սարհատ Պետրոսյան, հիմնադիր տնօրեն
ՍՊ2 ճարտարապետական գրասենյակը հիմնադրվել է ճարտարապետ - քաղաքային պլանավորող Սարհատ Պետրոսյանի կողմից 2006 թվականին։
Սարհատ Պետրոսյանն ավարտել է Ճարտարապետության և շինարարության Հայաստանի ազգային համալսարանը՝ ստանալով ճարտարապետի որակավորում։ 2006 թվականին ավարտել է նույն համալսարանի ասպիրանտուրան՝ ստանալով ճարտարապետության թեկնածուի գիտական աստիճան։ 2004 թվականից դասավանդել է նույն համալսարանի քաղաքաշինության ամբիոնում։ 2017 թվականին շատ կարճ դասավանդել է Հայաստանի ամերիկյան համալսարանի Հակոբյան բնապահպանական կենտրոնում։
2011 թվականին հիմնադրել և ղեկավարել է ուրբանլաբ քաղաքային հետազոտահեն կազմակերպությունը։ 2018-2019 թվականներին ղեկավարել է Հայաստանի Կադաստրի կոմիտեն՝ նախաձեռնելով խորքային բարեփոխումներ բնագավառում։
Սարհատ Պետրոսյանը՝ որպես քաղաքային պլանավորման փորձագետ, տարբեր տարիների մասնակցել է տեղական և միջազգային տարատեսակ ծրագրերի։ Նա նախաձեռնել կամ մասնակցել է բազմաթիվ գիտական և մասնագիտական հրատարակությունների ու նախագծերի, իսկ 2016 թվականին հանդիսացել է Վենետիկի ճարտարապետական բիենալեի Հայաստանի ազգային տաղավարի համադրողը։
Իրինա Մերդինյան, ավագ ճարտարապետ
Ավարտել է Երևանի ճարտարապետության և շինարարության պետական համալսարանի մագիստրատուրան: Ուսման վերջին տարիներին զուգահեռ աշխատել է մի շարք ճարտարապետական գրասենյակներում՝ ձեռք բերելով իր առաջին փորձառությունը։ Համալսարանն ավարտելուց հետո աշխատել է հիմնականում ներքին ձևավորմամբ զբաղվող կազմակերպությունում՝ որպես ծրագրի ղեկավար։ 10 տարիների աշխատանքային փորձի ընթացքում իրականացրել է հասարակական, սպասարկման, բնակելի, ժամանցային և քաղաքացիական օբյեկտների մի շարք թիմային և հեղինակային նախագծեր: Բացի վերոնշյալ նախագծերն իրականացնելուց, Իրինան կարողանում է հեշտությամբ լեզու գտնել ցանկացած տեսակի բնավորություն ունեցող մարդու հետ․ այնպես, որ մեր թիմում ինտեգրվելու խնդիր չեք ունենա։
Գագիկ Խաչատրյան, ճարտարապետ
Ավարտել է Ճարտարապետության և շինարարության Հայաստանի ազգային համալսարանի բակալավրիատը և միացել է մեր թիմին որպես կրտսեր ճարտարապետ։ Մինչ այդ մասնակցել է տարբեր նախագծերի մշակմանը և համակարգել ուրբանլաբի կազմակերպած «Վերբեռնելով ՆՓԱԿ-ը» ճարտարապետական մրցույթը։ Ճարտարապետությունից զատ հետաքրքրված է տեղեկատվական և տարածական տեխնոլոգիաներով։
Ինեսա Մարգարյան, ճարտարապետ
Սովորել է Ճարտարապետության և շինարարության Հայաստանի ազգային համալսարանում և ստացել բակալավրի կրթական աստիճան։ Մասնակցել է մի շարք միջազգային ուսանողական ծրագրերի։ Ունի լանդշաֆտային դիզայնի և ամերիկյան բնակելի տների նախագծման փորձ։ Այժմ` զբաղվում է նաև համակարգչային ծրագրի դասավանդմամբ ՃՇՀԱՀ-ում։ Ճարտարապետությունից զատ հետաքրքրված է արվեստի տարբեր ճյուղերով՝ գեղանկարչությամբ, քանդակագործությունով
Արթուր Մելքոնյան, կոսնտրուկտոր
Ավարտել է Երևանի ճարտարապետության և շինարարության պետական համալսարանը ստացել ճարտարագետ-շինարարի որակավորում, այնուհետև ավարտել ասպիրանտուրան, ստացել է տեխնիկական գիտությունների թեկնածուի աստիճան 2009 թվականին, ունի 5 գյուտեր։ Մասնագիտական գործունեությունը սկսել է 2006 թվականից որպես ինժեներ-կոնստրուկտոր։ Համահեղինակ է հանդիսանում մի շարք կառույցների, որոնք շահագործվում են ինչպես Հայաստանում, այնպես էլ նրա սահմաններից դուրս։ Ունի աշխատանքային եզակի կառույցների նախագծման փորձ, որոնց բարձրությունն անցնում է 180 մ-ը։ Արթուրը կարծում է՝ հետաքրքիր և յուրօրինակ նախագծերի իրականացումը դեռ առջևում է։ Նա սիրում է իր ու մեր առջև բարդ ու համարձակ խնդիրներ դնել ու, բնականաբար, լուծել դրանք։
Լենա Մաթևոսյան, գրասենյակի կառավարիչ
Ավարտել է Երևանի պետական համալսարանի միջազգային հարաբերությունների ֆակուլտետն, ունի բակալավրի կրթական աստիճան: 2016-2017 թվականներին աշխատել է Հայաստանի Հանրապետության կառավարությունում՝ որպես արտաքին կապերի մասնագետ, 2018-2019 թվականներին Կադաստրի կոմիտեում՝ որպես ղեկավարի օգնական։ 2017 թվականին կրթական-կամավորական ծրագրով մեկնել է Գերմանիա, բնակվել և սովորել Բավարիայի շրջանի Վյուրցբուրգ քաղաքում։ Այժմ սովորում է Քաղաքական դասընթացների երևանյան դպրոցում։
Նախկինում մեզ հետ համագործակցել են․
Ագաթա Հարությունյան
Անի Արզումանյան
Անի Ավետիսյան
Անի Ղազարյան
Աննա Ակտարյան
Անուշ Հարությունյան
Արեգ Համբարյան
Արմինե Շաhբազյան
Արփա Համբարչյան
Դերենիկ Բաղրամյան
Գևորգ Թորոսյան
Համբիկ Կարամանուկյան
Հովհաննես Բաղջյան
Գևորգ Արաքելյան
Նանե Թումանյան
Նինա Ներսիսյան
Նվարդ Ղամբարյան
Սևադա Պետրոսյան
Շահեն Խասիկյան
Վրույր Ենոքյան
Րաֆֆի Մնաչեկանյան
Սիմոն Համամջյան
Վարդենի Վարդանյան